Вселенскиот телескоп Џејмс Веб ги забележа „планетите“ со големина на Јупитер, кои слободно лебдат во вселената, неповрзани со која било ѕвезда.
Она што е интригантно за ова откритие е тоа што овие објекти изгледаат како да се движат во парови, а астрономите се обидуваат да откријат зошто, јавува Би-Би-Си.
Телескопот забележа околу 20 пара во новото истражување на маглината Орион.
Тие се наречени Jupiter Mass Binary Objects, скратено „JuMBOs“.
New space images!🤩
— ESA (@esa) October 2, 2023
The NASA/ESA/CSA James #Webb Space Telescope has added detailed images of the Orion Nebula to our ESASky application.
Zoom into this region with a rich diversity of phenomena including protostars, brown dwarfs and even free-floating planets! pic.twitter.com/In4FQk8hrX
Едно можно објаснување е дека овие објекти пораснале од региони во маглината, каде што густината на материјалот била недоволна за да се формираат полни ѕвезди.
Друга можност е дека тие се формирале околу ѕвездите и во меѓувреме биле исфрлени во меѓуѕвездениот простор преку различни интеракции.
Хипотезата за „исфрлање“ моментално е најпопуларна, вели професорот Марк Мекорин, советник на Европската вселенска агенција.
„Физиката на гасот сугерира дека не треба да постои можност за независно формирање на објекти со маса на Јупитер, а знаеме дека поединечни планети можат да се исфрлат од ѕвездени системи. Но, како е можно тие да бидат исфрлени во парови? Во моментов немаме одговор на тоа прашање за теоретичарите“, изјави МекКорин за Би-Би-Си.