Бројот на луѓе на работа во Велика Британија за прв пат ги надмина нивоата пред пандемијата и достигна рекордни високи. Сепак, тоа не доведе до надминување на недостигот од работници, што ги зголемува платите и го отежнува решавањето на проблемот со инфлацијата, се вели во анализата на „СNN“.
Вработеноста достигна рекордни 33,1 милиони меѓу февруари и април, при што се зголемија и вработените и самовработените, покажуваат бројките од Канцеларијата за национална статистика на земјата (ONS).
Според директорот за економска статистика на „ONS“, Дарен Морган, секторите со најголеми добивки на работни места биле здравството и социјалната заштита, а потоа угостителството и хотелиерството.
Според британскиот институт за истражување на вработувањето, Велика Британија закрепнува побавно отколку во која било друга голема економија. Но, податоците за работните места од вторникот се добри вести за владата, која во март претстави низа мерки за охрабрување на родителите, пензионерите и лицата со попреченост или лошо здравје да се вратат на работа.
Сепак, недостигот на работна сила сè уште го кочи економскиот раст на Кралстовото, бидејќи ги принудува работодавците да ги зголемат платите, зголемувајќи ги инфлаторните притисоци.
Просечната плата, без бонусите, порасна за 7,2% во кварталот февруари-април во споредба со истиот период во 2022-ра година, исто така објави „ONS“, додавајќи дека ова е најбрзиот пораст досега, освен во периодот кога податоците беа искривени од пандемски.
Според економистите, зголемувањето на платите делумно го одразува зголемувањето на минималната плата во земјата за околу 10% во април, но тоа нема да ја увери Банката на Англија во врска со вкоренувањето на инфлацијата во локалната економија, посочува и новинската агенција:
„Финансиските пазари веќе очекуваат понатамошни зголемувања на каматните стапки за да ги скротат растечките цени, при што приносите на државните обврзници на Обединетото Кралство доспеваат за две години сега над највисоките достигнувања за време на есенската распродажба“.
Нивниот принос, кој се движи во спротивна насока од цените, се зголеми кон крајот на септември минатата година, откако инвеститорите ја отфрлија најавата на владата на тогашната премиерка Лиз Трус дека ќе ги намали даноците и ќе го зголеми задолжувањето во обид да го поттикне растот. Стравувањата во тоа време беа дека планот ќе ја поттикне и онака високата инфлација и ќе го стави националниот долг на неодржлива основа, потсетува „CNN“.
Иако плановите на актуелниот британски за министер за финансии Џереми Хант за намалување на државниот долг помагаат да се смират финансиските пазари, инвеститорите се обложуваат дека тврдоглавиот проблем со инфлацијата во Велика Британија ќе доведе до нов скок на трошоците за задолжување.
„Генерално, олабавувањето на пазарот на труд се чини дека заглави во април и растот на платите останува многу силен“, рече економистот на „Capital Economics“ од Велика Британија, Ешли Веб.
„Ова го поддржува нашиот став дека следниот четврток Банката ќе ги зголеми каматните стапки од 4,5% на 4,75%, на крајот да достигне 5,25%“, додава Веб.
Наспроти ова, зголемувањата на платите, иако големи, продолжуваат да заостануваат зад инфлацијата. Потрошувачките цени во Велика Британија се зголемија за 8,7% во април во однос на претходната година, пред растот во Европа и САД. Инфлацијата на храната останува над 19%, блиску до највисокото ниво во последните 45 години, што најмногу ги погодува сиромашните домаќинства бидејќи тие трошат поголем дел од расположливиот приход на храна.
И покрај рекордните нивоа на вработеност и слободните работни места кои паѓаат 11-ти последователен период бидејќи работодавците се воздржуваат од вработувања во услови на економска несигурност, многу индустрии, вклучително градежништвото, малопродажбата и земјоделските фарми, сè уште имаат вишок на непополнети работни места.
Во периодот од март до мај, вкупните слободни работни места паднаа под 1,1 милион, но останаа 250.000 над нивото од март 2020-та година пред пандемијата.
Здравствените услови и понатаму се главен двигател на недостигот на работници, а бројот на Британците без работа поради „долготрајно боледување“ достигна нов рекорд од над 2,5 милиони.
И покрај рекордните нивоа на вработеност и слободните работни места кои паѓаат 11-ти последователен период бидејќи работодавците се воздржуваат од вработувања во услови на економска несигурност, многу индустрии, вклучително градежништвото, малопродажбата и земјоделските фарми, сè уште имаат вишок на непополнети работни места.
Во периодот од март до мај, вкупните слободни работни места паднаа под 1,1 милион, но останаа 250.000 над нивото од март 2020-та година пред пандемијата.
Здравствените услови и понатаму се главен двигател на недостигот на работници, а бројот на Британците без работа поради „долготрајно боледување“ достигна нов рекорд од над 2,5 милиони.
