На просечен возрасен човек му требаат седум до девет часа непрекинат ноќен сон за нормално функционирање на телото. Сепак, колку сон е премногу?
Недостатокот на сон е зло на модерното време, па затоа секогаш се нагласува важноста од доволно долго спиење во текот на ноќта. Сепак, хиперсомнијата, т.е. прекумерното спиење и нејзиното влијание врз телото, ретко се дискутира.
По повеќе од една деценија како лекар за итни случаи во болницата „Ramón y Cajal“, д-р Цезар Карбало одговори на едно од најчесто поставуваните прашања. Дали претераното спиење е лошо или може да имате повеќе негативни ефекти отколку позитивни?
“Не се препорачува да спиете многу. Спиењето повеќе од девет часа има штетни ефекти врз здравјето бидејќи вклучува нарушување на спиењето кое е исто толку негативно како и малку спиење. Ова е првото нешто што треба да го знаете”, рече тој.
Во случај на депресија, еден од забележаните симптоми е хиперсомнија, односно чест престој во кревет. Долгото останување во кревет доведува до дијабетес, бидејќи високите нивоа на гликоза се складираат поради неактивност што не ја согорува таа гликоза.
Спиењето повеќе од девет часа го зголемува ризикот од кардиоваскуларни заболувања. Исто така, толку долгото спиење предизвикува зголемување на овие резерви на гликоза, што влијае на дебелината и нарушување на распоредот за јадење.
