Овие намирници ќе ви помогнат да се чувствувате подобро и да бидете поздрави…
По празничното прејадување, дојде време за здравата храна. Ви претставуваме 7 намирници од кои ќе се чувствувате подобро и ќе бидете поздрави.
1. Авокадо
Иако во исхраната се избегнува поради калориите, нема потреба да го правите тоа. Авокадото е хранливо и ќе ви помогне да се чувствувате сито поради големата количина на масти и влакна. Авокадото може да го јадете свежо, во некоја салата или пак ставете го во прелив.
2. Ореви
Изгледаат како нашиот мозок, а и навистина го одржуваат здравјето на мозокот. Истражувањата покажаа дека една порција јаткасти плодови дневно може да помогне во борбата против Алцхајмерова болест, за зајакнување на помнењето и намалување на депресијата.
3. Грав
Гравот нема во себе масти ниту холестерол, а богат е со влакна, протеини, магнезиум и калциум. Добар сојузник е во борбата против дебелината, ракот на дебелото црево, дијабетесот и болестите на срцето.
4. Кикирики
Богат извор на протеини и незаситени масти. Содржи силни антиоксиданси кои позитивно влијаат на кардиоваскуларниот систем.
5. Овесни снегулки
Би требало почесто да ја вклучувате оваа намирница во вашето мени бидејќи содржи витамин Б1.
6.Чај
Најздрав е зелениот чај бидејќи е извор на полифенол, антиоксиданс кој може да ве заштити од неколку видови на рак, како и да го намали ризикот од болести на срцето и мозочниот удар.
7. Бадеми
Добар извор на влакна, а содржи калциум кој помага во изградбата на коските. Совршена замена за чипс или соленки.
