Криптовалути и штетите од електронскиот отпад

Светот веќе е во доволно проблеми околу електронскиот отпад, а криптовалутите само го влошуваат проблемот. На годишна основа, дигиталните монети произведуваат количини електронски отпад што се еднакви со оние што може да се акумулираат од земја со големина на Холандија.

Експертите веќе некое време се согласуваат дека криптовалутите се лоши вести за планетата, бидејќи имаат катастрофално влијание врз животната средина. Најголемо внимание се посветува на јаглеродниот отпечаток и потрошувачката на електрична енергија, додека производството на електронски отпад е оставено настрана. Една нова студија укажува токму на тој проблем, бидејќи истражувачите смислиле методологија за да одредат колку електронски отпад се произведува годишно поради биткоинот.

Проблемот е краткиот век на уредите за рударење и многу се произведени токму за таа цел. Компјутерските чипови ASIC, на пример, се користат само за рударење на биткоини и постојано се заменуваат со нови модели. Еден чип обично се користи нешто повеќе од една година. Како резултат на тоа, се создаваат големи количини отпад – целата биткоин мрежа произведува околу 30,7 килотони отпад годишно. Јасно е дека ниту еден килотон не е шега (килотон е илјада тони).

Се проценува дека една биткоин трансакција генерира најмалку 272 грама електронски отпад, што е тежината на два iPhone 12 Мини уреди. Во текот на 2020 година, имаше 112,5 милиони трансакции со биткоини, така што количината на произведениот отпад е речиси невозможно да се замисли.