Францускиот фудбалер Жан Клер Тодибо иако многу кратко време помина во таборот на Барселона, сепак даде интересна изјава поврзана за Лионел Меси.
Тодибо кој во 2019 година настапи само на пет меча за тимот од „Ноу Камп“ сведочи дека на тренинзите Меси бил максимално поштеден – никој поостро не смеел да стартува врз Аргентинецот.
„Во Барселона не смеевме да го допреме Меси на тренинзите. Можеби звучи бизарно, но вистина е. Тој е најголемиот фудбалер на сите времиња и не сакавме да го повредиме“ рече Тодибо.
Францускиот фудбалер од Барса отиде на позајмица во Шалек, па во Бенфика и во Ница, каде настапува во моментов.
Му претстојат дуели со Меси, во француската Лига 1. Овојпат нема потреба да има „поштеда“ за аргентинскиот ас.
