Можеби никогаш не сте слушнале за мед од тиква, но оваа вкусна намирница толку е здрава за организмот па откако ќе го прочитате ова најверојатно ќе ја јадете секој ден.
Поради големата содржина на витамини и каротен, овој мед го засилува имунитетот, а благодарение на благото лаксативно и диуретско делување, тој е одличен избор при проблеми со хроничен запек и различни оболувања на дебелото црево.
Особено е делотворен при лачењето на жолчката и проблеми со црниот дроб и бубрезите, а добар избор е и за лицата со зголемен холестерол. Се смета за природен лек за мочните патишта.
Како да направите мед од тиква сами?
Исечете го врвот на зрела тиква и отстранете ги семките и влакната. Во дупката кога сте ја издлабиле ставете мед, па поклопете со отсечениот врв од тиквата. Оставете ја да отстои десет дена на ладно место. По овој период само извадете го медот и тој е подготвен за употреба.
Најдобро е медот да го чувате во фрижидер во чиста стаклена тегла со капак најдолго еден месец.
Овој мед можете да го јадете како посластица, две до три лажички дневно, секој ден.
