Њујорк Тајмс (NYT) го прогласи д-р Џозеф Меркола за највлијателен човек за ширење на дезинформации за коронавирусот во комуникацијата преку интернет.
Големата приказна за Њујорк Тајмс, во која се издвојуваат уште неколку познати имиња, се појави по нападот на американскиот претседател Џо Бајден на Фејсбук, затоа што овозможува ширење на информации против вакцинацијата од релативно мал број луѓе кои на тој начин влијаат на милиони други.
Џозеф Меркола е доктор остеопат од Флорида, кој долго време беше критикуван од владата и регулаторите за здравство за промовирање на неиспитани и неодобрени терапии, а сега стана главен распрснувач на дезинформации за пандемијата преку интернет. NYT се повикува на неколку еминентни истражувачи во ова тврдење.
NYT предупредува, на пример, за написот во кој Меркола предупредува на својата веб-страница дека вакцините против коронавирус се „медицинска измама“ и тврди дека не спречуваат инфекции, не обезбедуваат имунитет или го запираат пренесувањето на болеста. Написот тврди дека вакцината влијае на „вашето генетско кодирање, ве претвора во фабрика за вирусни протеини, која нема прекинувач за исклучување“.
Написот со 3.400 зборови беше брзо преведен од англиски на шпански и полски јазик и се најде на десетици блогови против вакцинација. Само преку Фејсбук достигна околу 400.000 луѓе. Проблемот со овој напис е што тој користи стручен научен јазик и, изоставувајќи клучен дел од информациите, донесува невистинити заклучоци.
Факт е дека mRNK вакцините ги „убедуваат“ клетките во човечкото тело да произведат протеински врвови на вирусот Sars-CоV-2, но тоа не значи дека тие не претвораат во фабрики за вирусни протеини, бидејќи mRNK е нестабилна и дека производството на протеини е кратко – живеат доволно само за да се добие адекватен имунолошки одговор од нашето тело во случај на инфекција со коронавирус.
Еден од примерите за манипулација на доктор Меркола со премолчување на релевантни информации е цитирање на податоци од израелското Министерство за здравство, според кои ефикасноста на вакцината на Фајзер во спречување на инфекцијата е намалена на 39 проценти, со фактот дека вакцината останува многу ефикасна во заштита од тешки случаи, хоспитализација и смрт. За само неколку часа, тој пост беше споделен 220 пати.
Кој е д-р Џозеф Меркола
Меркола е всушност интернет претприемач кој вработува десетици луѓе, а од почетокот на пандемијата, тој објавил околу 600 написи на Фејсбук кои ги проблематизираат вакцините за ковид-19. На официјалната страница на Фејсбук има 1,7 милиони следбеници. Неговите тврдења се шират преку други социјални мрежи – Твитер (300.000 следбеници), Инстаграм и Јутјуб (400.000).
Мешањето на информации и дезинформации ги претвори во успешна деловна активност. Неговото богатство се проценува на стотици милиони долари.
Д-р Меркола е највлијателниот член на групата што ја нарекоа Дезинформациска дванаесетка (Disinformation Dozen). Според непрофитниот центар против дигитална омраза, станува збор за 12 лица одговорни за ширење на 65% од содржината против вакцинација на Фејсбук.
NYT цитира изјава од истражувачот Колин Колтај од Универзитетот во Вашингтон, која вели: „Тој (Меркола) е мајстор за капитализирање во време на несигурност, како што е пандемија, за да го крене својот проект“.
Д-р Меркола честопати дискутира за безбедноста на вакцините во своите објави, повикувајќи се на истражување. Така, неговите објави често остануваат на Фејсбук и Твитер, но со предупредувања од модераторите. Д-р Меркола се брани себеси велејќи дека не гледа како релативно мал број на негови публикации би можеле да бидат закана за кампањата за вакцинација на Бајден, вредна повеќе милијарди долари.
Во неколку наврати, дури и пред пандемијата, Меркола беше под притисок на регулаторните тела.
На пример, во 2012 година тој продал солариуми наречени Vitality и D-lite за 1.200-4.000 долари и тврди дека тие ги намалуваат шансите за заболување од рак. Федералната трговска комисија (ФТЦ) го обвини за лажно рекламирање. Тој е обвинет и за продажба на недозволени здравствени производи во 2005, 2006 и 2011 година. Тој беше казнет со неколку милиони долари.
