Ако ве мачи поспаност, висок притисок и лошо расположение, можно е да имате недостаток на витамин Д во организмот. За среќа, со правилна исхрана може да се реши овој проблем…
Освен со изложувањето на сончевите зраци, витаминот Д можете да го добиете и од некои намирници.
1. Лосос за вечера
Иако витаминот Д се наоѓа во малку намирници, еден од најдобрите извори се масните риби како лосос и сардина. Ако сакате да јадете лосос, едно филе лосос за вечера ќе ви ја обезбеди потребната количина од овој витамин.
2. Додадете печурки
Вкусните и нискокалорични печурки се одличен извор на витамин Д. Ставете ги во салатите, варивата или додадете ги во тестенините.
3. Јајца за појадок
Во жолчката од јајцето се наоѓа витаминот Д, но бидејќи содржи и холестерол, не претерувајте со нивната консумација. Јајцата можете да ги подготвите за појадок, да ги додадете во салатите или со нив да подготвите некој вкусен десерт.
4. Конзервирана туна
Со витамин Д е богата и туната од конзерва која секако е поевтина од свежата риба па можете почесто да си ја дозволите.
5. Млеко
Некои видови на соино и оризово млеко содржат еднаква количина на витамин Д како и кравјото млеко, па имате избор доколку не поднесувате лактоза.
Ако сакате витаминот Д да го консумирате преку додатоци во исхраната, експертите советуваат тоа да го направите со најголемиот оброк. Така ќе се зголеми неговата апсорција за дури 50 проценти.
