Главниот град на Босна и Херцеговина, Сараево, со денови е на врвот на листата на градови со најнеквалитетен воздух. Ситуацијата не е многу подобра и кога станува збор за другите градови од поранешна Југославија.
Пред три дена Сараево беше најзагадениот град на планетата со индекс на загадување дури 597.
Овој факт влијаеше многу активисти и обични граѓани да реагираат, па дури и шведската амбасада во Босна се појави на „Твитер“, наведувајќи дека Сараево се наоѓа во сопствена категорија на загадување. Амбасадата повика на итна акција.
Unfortunately, on planet Earth #Sarajevo is now in a category of its own when it comes to bad air quality. Urgent action is required. We will continue our support in the envi sector. #SwedenInBiH @UNDPBiH @hbs_sarajevo @vladaks_ pic.twitter.com/YvwKudwlL9
— Sweden in BiH (@SwedenBiH) January 11, 2020
На airvisual.com, може да се следи состојбата со загадувањето од час на час. Имајќи го предвид Балканот, ситуацијата е алармантна и во нашиот главен град.
Скопје во голем дел е рангиран меѓу најзагадени главни градови во светот.
Словенија и Црна Гора се речиси целосно во зелената зона така што Љубљана и Подгорица не се на списокот.
