Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 11,903.09 0%    GRNT 951.88 -0.54%    KMB 5,999.03 0.13%    MPT 65,000.00 0.04%    OKTA 3,153.00 0%    RZUS 50.00 0%    SBT 2,600.00 8.29%    STB 1,070.00 1.42%    STIL 77.00 -1.28%    TEL 320.00 0%    TNB 16,350.00 -0.61%    TTK 1,282.00 9.57%    

Буџет за 2020-та: Милијарди евра за претурање од „шупливо во празно“

Време: 16:02

Датум: ноември 16, 2019

Категорија: ЕКОНОМИЈА

Милијарди евра од граѓаните за претурање од “шупливо во празно“, за затворање дупки и за исполнување на желби и ветувања, а грантови и заеми за “крпење“ на инфраструктурните проекти. Вака на кратко изгледа државната каса за наредната година, во која има се за секого, само не доволно предиспозиции за остварување  на зацртаниот раст на БДП од 3,8 проценти. Скептици се и експертите и дел од бизнисот. Велат проекциите се надреални и тешко остварливи, посебно бидејќи наредната година е изборна година и се очекува застој на сите проекти најмалку шест месеци, до формирањето на новата влада.

3,5 милијарди евра за тековни трансфери – плати, пензии, социјала, субвенции 

Владата планира да потроши 3,9 милијарди евра во 2020-та. Проектираше од граѓаните и компаниите и дел од кредитите да прибере 3,6 милијарди евра за да ги сервисира потребите на државата. Но дури 3,5 милијарди евра ќе завршат за тековни расходи – ќе се финансираат зголемените плати во јавниот сектор, зголемените пензии, социјалните надоместоци, субвенции за земјоделците и поддршката на бизнисот. Пензиите ќе тежат една милијарда евра од кои 500 милиони ќе се префрлат од  Буџетот. За платите на административците ќе се потроши речиси половина милијарда евра, или 53 милиони евра повеќе од годинава. За субвенции и трансфери, пак, како што стои во предложениот буџет, треба да се издвојат 309 милиони евра, што е нешто помала сума од оваа година.

За да ги финансира трошоците, покрај задолжување од 1 милијарда евра од кое дел е за враќање на стари долгови, Владата планира од даноци и придонеси да собере 3,2 милијарди евра. Од придонеси 35 милиони евра повеќе од годинава, а само од даноците дури 123 милиони евра повеќе.

Капиталните расходи се проектирани на 383 милиони евра, што е за 14 милиони евра повеќе од годинава, но со ребалансот на Буџетот, со кого се скратија речиси 50 милиони евра од 420-те милиони евра од првично проектираните за капитални проекти. Владата сега тврди за наредната година ги проектирала на реална основа, не сакала да ги предимензионира.

Буџетскиот дефицит е проектиран 2,3 проценти од БДП или околу 283 милиони евра, а ќе се финансира со кредити.

Од планираната 1 милијарда задолжување дома и во странство, дел ќе биде за враќање на стари долгови. Но, нето домашното задолжување ќе биде 175 милиони евра, плус 200 милиони евра од континуирани државни хартии од вредност. Или вкупно нето домашното задолжување ќе изнесува 375 милиони евра. Додека нето странското задолжување ќе изнесува 121 милиони евра. Или, вкупно, во  2020-та година е планирано нето задолжување од 496 милиони евра.

Владата нема да се „стиска“

Во 2020-та година Владата планира да потроши  835 милиони евра за стоки и услуги. Бројките во Буџетот за 2020 покажуваат дека сумата е зголемена за 180 милиони евра во однос на годинава.

Стоки и услуги од секогаш е најспорна ставка за експертите, бидејќи тука влегуваат парите кои државните институции ги трошат на тендери, привремени вработувања, патни трошоци. Од оваа сума дури 608 милиони евра се планирани за договорни услуги, ставка која пораснала за 108 милиони евра во однос на годинава. Растат и парите за  привремени вработувања, за 2 милиони евра. За  патни и дневни расходи ќе се потрошат 15 милиони евра, или 5,3 милиони евра повеќе од сега. Сумата пак за материјали и ситен инвентар пораснала на 77,4 милиони евра, или 28 милиони евра повеќе од годинава.  Државните институции планираат да купуваат и нов мебел, но и нови возила.

Гледано пак по институции најмногу пари од Буџетот за 2020-та ќе се префрлат во Министерството за финансии – Функции на државата, дури 953 милиони евра или 486 милиони повеќе од сега. Второ „најбогато“ министерство е Министерството  за труд, кое до година треба да потроши речиси 800 милиони евра или 77 милиони повеќе од годинава.

За образование се проектирани 436 милиони евра или 97 милиони повеќе од годинава. МВР ќе потроши 188, одбрана 165,  а здравство 116 милиони евра. Расте и буџетот на транспорт, кој изнесува 97 милиони евра, а тој на животна средина е поголем за 2,5 милиони евра, или вкупно тежи 14 милиони евра.

Рамка: Изборите ќе „тежат“ 12 милиони евра – 5,2 милиони евра ќе добијат партиите

Предвремените парламентарни избори закажани за 12 април ќе тежат најмалку 12 милиони евра. ДИК до година ќе добие 6,8 милиони евра за изборните активности. А политичките партии ќе добијат дополнителни 5,2 милиони евра преку Министерството за правда.

Во Буџетот за 2020-та се проектирани и 3,7 милиони евра за Специјалното јавно обвинителство, чија шефица Катица Јанева заврши во притвор како обвинета за случајот „Рекет“. Парите за СЈО ги побарала Јанева додека се уште ја вршела функцијата. Пари има и за рамковните вработени кои со години седат дома, а земаат плата.

С.А

НАЈНОВО ОД КАТЕГОРИЈАТА

  • Тројца починати и 88 нови случаи на коронавирус во Македонија

    Тројца починати и 88 нови случаи на коронавирус во Македонија

    Во последните 24 часа во Македонија регистрирани се три смртни случаи и 88 новозаболени од коронавирус. Излекувани се 123 пациенти, соопшти Министерството за здравство. Во…

  • Цените на акциите на азиските берзи достигнуваат рекордно нивоа

    Цените на акциите на азиските берзи достигнуваат рекордно нивоа

    Цените на акциите на азиските берзи денес достигнаа највисоко ниво во последните пет месеци, затоа што инвеститорите очекуваат дека деловните резултати на американските компании, чие…

  • Клоп: Уште 4 години во Ливерпул, па потоа одмор цела година!

    Клоп: Уште 4 години во Ливерпул, па потоа одмор цела година!

    Тренерот на Ливерпул, германскиот стратег Јирген Клоп потврди дека уште неколку сезони ќе биде на чело на клубот од „Енфилд“. „Што се однесува до плановите…

  • Путин: Мерките за економско закрепнување треба да бидат интегрирани во националните проекти

    Путин: Мерките за економско закрепнување треба да бидат интегрирани во националните проекти

    Мерките на националниот план за економско закрепнување треба да бидат интегрирани во националните проекти, изјави претседателот на Русија, Владимир Путин. Предлагам мерките од тој план…

  • Во мај само 838 туристи, 99,2 отсто помалку од лани

    Во мај само 838 туристи, 99,2 отсто помалку од лани

    Во мај годинава земјава ја посетиле 838 туристи што е 99,2 отсто помалку во однос на истиот месец лани. Како што соопшти Државниот завод за…

  • Од ноќеска на полноќ поскапуваат горивата

    Од ноќеска на полноќ поскапуваат горивата

    Од вечерва на полноќ цените на горивата се зголемуваат за половина и за еден денар, соопшти Регулаторната комисија за енергетика. Малопродажните цени на бензинот ЕУРОСУПЕР…

  • Рекордно мал број на луѓе во ЕУ започнале со работа во првиот квартал (ИНФОГРАФИК)

    Рекордно мал број на луѓе во ЕУ започнале со работа во првиот квартал (ИНФОГРАФИК)

    Податоците на Европската канцеларија за статистика „Евростат“ покажуваат дека рекорден мал број на луѓе во Европската унија (ЕУ) започнале да работат во првиот квартал од…

  • Нова теорија на заговор: Во маски за лице скриена 5G антена

    Нова теорија на заговор: Во маски за лице скриена 5G антена

    Теориите на заговор кои се шират низ целиот свет се прилично луди, но се чини дека во последно време се интензивираат со порастот на глобалната…

  • Регионот би можел да дојде на работ на сиромаштија поради пандемијата

    Регионот би можел да дојде на работ на сиромаштија поради пандемијата

    Светската банка (СБ) процени дека на Западен Балкан, доколку владите не воведоа одредени мерки, корона кризата би отерала најмалку 400.000 луѓе во сиромаштија. Светската банка…

  • Во Дубровник цените спуштени и до 60 отсто, но гости пак нема

    Во Дубровник цените спуштени и до 60 отсто, но гости пак нема

    Градот Дубровник, еден од најважните туристички центри на хрватското крајбрежје, оваа година бележи рекордно мал број на туристи поради пандемијата на коронавирусот. Според системот за…