среда, 1 февруари 2023
ПочетнаНАЈНОВИ ВЕСТИВардар е фаворит против Мешков Брест

Вардар е фаворит против Мешков Брест

По паузата поради настапите на репрезентациите, во квалификациите за пласман на Европското првенство, викендов со натпреварите од шестото коло, продолжува Лигата на шампиони во ракомет.

Ракометарите на Вардар во оваа и наредната рунда ќе играат на домашен терен. В сабота во „Јане Сандански“ ќе пристигне белорускиот шампион Мешков Брест.

Овие два тима играа во вторникот, во рамките на СЕХА лигата, но конечниот резултат е далеку од реалната состојба бидејќи Вардар и Мешков настапија со вторите тимови.

Скопската публика на овој меч за прв пат ќе има можност да го види последното засилување на Вардар, Германецот Кристијан Дисингер. Црвено-црните нема да бидат комплетни бидејќи поради суспензија од ЕХФ, мечот ќе го пропушти црногорскиот бомбардер, Вуко Борозан.

„Се обидуваме да го подготвиме тимот бидејќи е тешко поради тоа што играчите беа со своите репрезентации и немавме воопшто заеднички тренинзи. Ова е тежок и важен меч и ни треба победа. Мешков е добар тим, играат силна одбрана и агресивно. Нема да биде лесно, а ние се обидуваме да се подготвиме најдобро што можеме и да ги освоиме бодовите, вели Роберто Парондо, тренерот на Вардар.

Свесни се вардарци дека ќе биде тешко, а со Мешков добро се познаваат поради фактот што повеќе сезони играат меѓу себе во СЕХА лигата.

„Сме играле многу пати. Имаат нов тренер што покажува деке нешто е сменето. Покажаа дека имаат квалитет. Ние треба да покажеме дека сме фаворити. Имавме проблеми во тимот, повредени па сега и некоја суспензија. Но, тоа е тоа, нема оправдување и мора да се оди на победа, вели капитенот Стојанче Стоилов.

Пресметката во Скопје ќе започне во 17:30 часот.

НАЈНОВИ ВЕСТИ

ХОРОСКОП