Влошките за стапалата кои се користат за детоксикација на организмот најпрвин се појавиле во Јапонија. Тие се лепат на стапалата пред спиење, а наутро, кога ќе ги отстраните, би требало да ги забележите опасните токсини кои се елиминирани од вашиот организам, пишува „Myilifestyle“.
Се верува дека го намалуваат и заморот, болката во зглобовите, главоболката… а можете да ги направите и сами. Потребни ви се кромид и лук, вода и самолеплива газа, но и еден пар чорапи.
Исецкајте ги кромидот и лукот и ставете ги во вода која врие и оставете ги да се варат 10 минути. Оставете ја смесата да се олади 20 минути. Сипете ја смесата на газата, доволно колку да се навлажни, ако има премногу течност исцедете ја. Поставете ја газата на стапалата, убаво прицврстете ја да лежи на стапалото, внимавајте да не може да се одлепи и облечете ги чорапите.