Според новиот извештај на Светската здравствена оргнизација 9 од 10 луѓе во светот се изложени на опасно високи нивоа на загадувачи на воздухот
Токсичните нивоа на загадување на воздухот доведуваат до предвремени смртни случаи на околу 7 милиони луѓе годишно, според новиот извештај на Светската здравствена организација.
Девет од 10 луѓе во целиот свет се изложени на опасно високи нивоа на загадувачи, кои можат да доведат до рак и кардиоваскуларни болести, покажа истражувањето кое е базирано на последните податоци од 2016-та година.
Нивоата на загадување на воздухот биле највисоки во источното Средоземје и Југоисточна Азија, каде во некои области токсините во воздухот биле пет пати над лимитите на „СЗО“ и се фокусирани најмногу кај сиромашните и најранливите, пренесува „Bloomberg“.
Но, не само воздухот надвор во загадените градови е опасност за јавното здравје. Околу 3 милијарди лица дишат смртоносни гасови од домашни фурни и огништа, покажува агенцијата со седиште во Женева. Загадувањето на воздухот во земјата предизвикало околу 3,8 милиони смртни случаи во 2016-та година.
„Загадувањето на воздухот е закана за сите нас, но најсиромашните и маргинализираните луѓе носат поголемиот дел од товарот“, коментира генералниот директор на „СЗО“, Тедрос Адханом Гебрејесус. „Ако не преземеме итни мерки против загадувањето на воздухот, никогаш нема да се доближиме до постигнување на одржлив развој“.
Над 90% од смртните случаи поврзани со загадувањето на воздухот, се случуваат во земјите со ниски и средни приходи, главно во Азија и Африка, следени од земјите со ниски и средни приходи во земјите од источното Средоземје, Европа и Америка.
Околу 3 милијарди лица – над 40% од глобалното население – се уште нема пристап до чисти горива и технологии за готвење во своите домови, што е главен извор на загадување на воздухот во домаќинствата, покажува уште во извештајот. „СЗО“ го следи загадувањето на воздухот во домаќинствата со деценија и иако нивото на пристап до чисти горива и технологија се зголемува насекаде, подобрувањата не се случуваат со темпото на раст на населението на многу места во светот, особено во суб-сахарска Африка.
Според извештајот загадувањето на воздухот е критичен фактор на ризик за незаразните болести, вклучувајќи предизвикување на околу една четвртина (24%) од смртните случаи кај возрасните поради срцеви заболувања, 25% од мозочен удар, 43% од хронична опструктивна белодробна болест и 29% од ракот на белите дробови.
Иако последните податоци покажуваат дека нивото на загадување на воздухот се уште е опасно високо во повеќето делови на светот, на некои места има одреден напредок. Голем број земји преземаат мерки за справување и намалување на загадувањето на воздухот од честички.
Само за две години специјална шема во Индија пример им обезбедила на 37 милиони жени кои живеат под прагот на сиромаштијата, бесплатни линкови до течен јаглеводороден гас (LPG) за да им помогне да се придвижат кон употреба на чиста енергија дома. Во исто време Мексико Сити е посветен да има стандарди за чисти возила, вклучувајќи како движење на автобуси без саѓи и забрани за приватните дизел автомобили до 2025-та година.
