Во рамките на манфестацијата Европски денови на културното наследство, на 22 септмври 2017 година во 20 часот во Кинотеката на Македонија ќе биде организирана ревија на кратки документарни филмови „Водата – дар од природата“.
Ревијата се организира како соработка на Музејот на Македонија со Кинотеката на Македонија, како институција којашто се грижи за визуелното наследство на нашата земја.
На ревијата ќе бидат прикажани следниве филмови: „Езеро од јаболка“ – Љубо Стефанов и Тамара Котевска, „Вирово“ – Мето Петровски, „Рибарството во Катлановско“ – Вера Кличкова, „Стихија“- Бранко Гапо и Трајче Попов, „Страдни од вода – страдни за вода“ – Трајче Попов и „Росе од Заград“ – Владимир Боцев.
