Во рамките на фестивалот “МНT фест”, што ќе трае до 13 јуни под мотото „Создаваме на светов убавина“, вечерва на репертоарот е Народниот театарот „Иван Вазов“ со „Дон Жуан“. На последниот фестивалски ден ќе гостува Народно позориште од Белград со Никола Ристановски во главната улога.
В недела ќе има МНТ фест за деца, кога ќе се изведат претставите за деца „Силјан штркот шанца“ и „Авантурите на Аладин“ и документарниот филм „Право кон ѕвездите“. Идејата, како што информира МНТ, е во иднина да има интернационална детска програма.
Во рамки на фестивалот има две работилници. Првата е ликовна колонија каде десетина млади сликари ќе работат портрети на наши актери, а втората е за театарска фотографија. Млади фотографи ќе ги фотографираат претставите кои доаѓаат, а потоа ќе има изложба.