На Филолошкиот факултет „Блаже Конески“ утре, со почеток во 12 часот, ќе се одржи промоција на лингвистичката студија „Негацијата во каузалните реченици“ од Бојан Петревски. Оваа научна студија е во издание на „Македонска реч“.
Во трудот авторот ја рекапитулира историјата на проучувањата на негацијата и изнесува свои согледувања за карактерот на негацијата во каузалните реченици во македонскиот јазик, при што ги поткрепува со голем број примери.
Промотори на книгата се проф. д-р Анета Дучевска и проф. д-р Димитар Пандев.
Бојан Петревски е докторант на Катедрата за македонски јазик и јужнословенски јазици на Филолошкиот факултет.
