Брисел го блокираше спојувањето меѓу лондонската берза „London Stock Exchange Group3 и германската „Deutsche Boerse“, ставајќи вето на унијата, разбалансирано од гласањето за „Brexit“, само неколку часа пред Велика Британија да и го претстави на Европската унија писмото со кое официјално ја започна разделбата.
Еврокомесарот за заштита на конкуренцијата Маргрете Вестагер го прекина третиот обид во последните 17 години за создавање на англо-германска берза, откако двете групи одбиле да ги исполнат нејзините барања, со кои ќе ги отстранат загриженоста за концентрација на пазарот за расчистувања со фиксен принос.
Формалното запирање, што во голема мера беше очекувано, става крај на 15-месечните напори на берзите да создадат европски лидер кој според извршниот директор требаше да се натпреварува со американските и азиските ривали.
Вестагер рече дека договорот би создал „реален монопол во важна област на инструментите со фиксен принос“. Европската комисија, рече дека договорот ќе ја елиминираше конкуренцијата за трговија со деривати на индивидуални акции во Европа.
Уште од почетокот двете компании знаеја дека ќе биде тешко да се управува спојувањето кон надминување на политичкиот притисок и поплаките од комерцијалните конкуренти. Новата берза требаше да стане најголема во светот по општа добивка, најголемите внесени акции и требаше да ја контролира повеќе трговијата со деривати, отколку кој било друг пазар во светот.
Внимателно креираната зделка сепак беше сериозно разбалансирана од гласовите на Велика Британија за излез од ЕУ минатиот јуни. Таа беше организирана така што процесот на донесување одлуки да биде во Лондон, Франкфурт и Милано, а главната пазарна инфраструктура исто беше сопственост на „LSE“. „Brexit“ ја промени радикално јавната дебата за клучните прашања како местото на седиштето на здружената група и расчистувањето, со кои се гарантира дека трансакциите се завршуваат, ако една од страните во трансакцијата западне во стечај.
„LSE“ се согласи да ја продаде француската клириншка куќа на конкурентот „Euronext“ за 510 милиони евра, за да ги отфрли стравувањата дека спојувањето ќе ја ограничи конкуренцијата при расчистување на репо пазарите кои се користат од страна на банките за помошно финансирање на краткорочното кредитирање.
Лондонската берза, сепак не се согласила со другото барање на комисијата за продажба на „MTS“ – италијанскиот пазар за тргување со обврзници, што според ЕК требало да гарантира дека продажбата на клириншката куќа е остварлива. „LSE“ ја објави својата одлука на крајот на февруари.
