Во последните пет години извозот на конвенционално оружје е зголемен за 8,4 отсто, соопшти Стокхолмскиот институт за истражување на проблемите на мирот (СИПРИ). „Лавовскиот“ дел од овој пазар, како и досега, го држат САД и Русија.
Фактички повеќе од половина од продаденото оружје во светот доаѓа од Вашингтон и Москва. Паричникот со нарачки на двете земји е речиси приближно e ист: 33 и 23 проценти.
Во тројката на лидери влегува и Кина, којa од 2012 година успеа да го зголеми својот удел во светскиот извоз на оружје од 3,8 на 6,2 отсто.
Водечката петорка се оформува со Франција (6 отсто) и Германија (5,6 проценти).
Согласно објавените документи на сајтот на СИПРИ, САД испорачува свое оружје во над 100 земји во светот. Русија – само во 50.
Главните клиенти на американско оружје се наоѓаат на Блискиот Исток. Тоа се Саудиска Арабија, Израел, ОАЕ и Турција.
Извозот на САД во регионот се состои во следново:
ударни хеликоптери AH-64E Apache, H-60M Blackhawk, а исто така десантни-транспортни хеликоптери CH-47F Chinook;
ловци F-35, F-18 F-15S, а исто така F-16 во различни модификации; тенкови M1A1;
проектили TOW 2A и др.
Додека главните клиенти на Русија се наоѓа во азиско-пацифичкиот регион. Речиси 70 отсто од извозот на оружје оди во Индија, Кина, Виетнам и Алжир.
Русија главно го извезува следново оружје:
повеќе наменски борбени авиони Су-30, Миг-29 и Су-35;
школски-борбени авиони Цц-130;
борбени хеликоптери Ка-52 и Ми-28, а исто така транспортни Ми-17;
тенкови Т-90 во различни модификации;
водзушни, артилериски и подводни противбродски комплекси;
подморници од проектот 636; муниција и лесно вооружување.
Специфичноста на кинескиот извоз се состои во неговата “регионалност”. Лавовски дел во снабдувањето паѓа на Пакистан, Бангладеш и Мјанмар. Покрај тоа, има склучени големи договори за испорака на кинеска техника во земјите од Северна Африка, особено во Алжир.
Најмногу се извезува:
корвети LPC-1, фрегата C-28A;
тенкови MBT-2000; ловци JF-17 Thunder / FC-1;
ракетни и артилериски системи.
Аналитичарите на СИПРИ се на мислење дека уделот на Франција на светскиот пазар може да се зголеми благодарение на договорите склучени во последните пет години. Главните клиенти на Париз се Египет, ОАЕ и Индија:
ловци “Мираж” и “Рафал” со придружно вооружување;
носачот на хеликоптери од типот “Мистрал”;
сателит Helios-2.
Во 2016 година, специјалистите од агенцијата забележа пораст и на германскиот извоз на оружје. Но, независно од тоа, во споредба со периодот од 2007 до 2011 година, последните години вкупниот удел на Берлин во пазарот на оружје, фактички е намален за една третина.
Најголемите клиенти на Германија се Алжир, Јужна Кореја и Катар.
Германија го продава главно следново оружје:
оклопни возила Tpz-1 Fuchs;
тенкови Leopard-2A6;
дизел мотори;
самоодни артилериски лансери.
