Долгометражниот игран филм „Златна петорка“ во режија на Горан Тренчовски, а во продукција на Револушн, од 4 до 9 февруари се прикажува на фестивал во индискиот град Бангалор.
„Златна петорка“ е единствен македонски филм кој е влезен во селекцијата на овој голем индиски фестивал кој се одржува во шестмилионскиот град Бангалор.
Филмот е вброен во категоријата „Кино на светот“ и од Балканот, се прикажуваат и филмовите на Емир Кустурица, Рајко Грлиќ и Лазар Ристовски. Инаку, ова е учество на 5-ти меѓународен фестивал на кој учествува филмот.
Во следниот период филмот ќе се прикажува и во Русија, САД, Германија, Франција и во други држави, а до крајот на годината се очекува да биде прикажан на сите континенти.
