Милијардери се најбогатите меѓу богатите и многу млади претприемачи денес се надеваат дека еден ден ќе стигнат до токму такво огромно богатство. Пред да се приклучат на оваа група, сепак првото прашање, кое можеби е добро да се постави е како милијардерите го добиле своето богатство, коментира „HowMuch.net“.
Со денешниот график изданието ја покажува токму распределбата на милијардерите по земји и начин на добивање на богатството. Секоја земја во светот е поделена на различни обоени ленти според различните типови милијардери. Големината на земјата е во согласност со бројот милијардери таму – колку повеќе се тие, толку поголем е износот нејзин.
Постојат пет категории според начинот на акумулација на богатството, кои одговараат на различни бои: наследници (црвена), основачи на компании (зелен), сопственици или извршни директори на компании (сина), односи со политиката или ресурси (портокалова) и финансиски сектор (жолта). Податоците се собрани од извештајот изготвен од „Peterson Institute for International Economics“.
Првиот и најважен заклучок е дека во најголемата економија во светот – САД, се наоѓаат околу 30% од сите милијардери, што е повеќе од било која друга земја. Распределбата на милијардери во САД е речиси подеднакво, со исклучок на оние кои го стекнале богатството преку политички врски. Само 3,8% од американските милијардери ги спечилиле парите преку компании поврзани со политиката или ресурсите што најверојатно се последица на историскиот пасивен пристап на американската влада кон бизнисот.
Во Кина – втората најголема економија во светот, има многу малку милијардери, кои ги наследиле своите пари. Пред економскиот успех на Кина во последните неколку децении, земјата беше исклучително сиромашна. Но најбрзиот раст на економијата е последица на производниот бум кој создал над 200 милијардери. Околу 40% од нив се основачи на компании, а една четвртина се сопственици или директори на компании.
Спротивна тенденција може да се открие во Јужна Кореја. Повеќето милијардери таму, или 74,1%, ги наследиле своите пари. Во Јапонија поголемиот дел од милијардерите пак основале компании – 63%.
Трендот во Јужна Кореја може до одреден степен да биде отворена и во Европа. Со исклучок на Велика Британија многу од милијардерите во големите европски економии имаат наследено богатство. Данска е со највисок процент – 83,3%, Германија е на второ место со 64,7%, а Шведска на трето со 63,3%.
