Деновиве, во книгоиздателството „Магор”, излезе од печат третото, дополнето издание на книгата раскази „Човечулец (бајки од левиот џеб)“ на Александар Прокопиев, добитник на угледната книжевна награда „Балканика”.
Третото издание на книгата содржи нови „бајки за возрасни” што за прв пат се печатени во збирката. Според авторот Прокопиев, „сега Човечулецот е со конечна содржина и дебелина“.
Досега „Човечулец” е издаден на полски, англиски, српски и хрватски, одделни преведени раскази од книгата се влезени во неколку меѓународни антологии и избори, а како што ни кажа Прокопиев, наскоро „Човечулецот“ ќе се престави пред турските (во издание на истанбулскиот „Пинхан”) и пред италијанските (во специјализираната едиција на „Беса”) читатели.
