Во 2015-та година глобалната продажба на алкохол се намалила за прв пат откако компанијата за пазарни истражувања „Euromonitor“ почнала да го следи пазарот во 2001-ва година, пишува „CNN“.
Всушност ќе треба да се вратите на азиската финансиска криза од крајот на 90-тите години, за да го откриете последниот пад во светската потрошувачка на алкохолни пијалоци, посочува аналитичарот на „Euromonitor“, Спирос Маландакис.
Иако продажбата во доларски израз се зголеми за околу 2% во 2015-та година, вкупниот обем на конзумирање алкохол е намален за 0,7%.
Падот на економиите на големите пазари во развој изгледа ги принудува корисниците да не пијат толку многу.
Кина, која е најголем потрошувач на алкохол во светот, забележува пад од 3,5% во потрошувачката за минатата година, додека економскиот раст на земјата се забавува.
Потрошувачката во Бразил и Источна Европа опадна односно со 2,5% и 4,9%. Бразил се соочува со економски проблеми и политичка криза поради корупција. Споровите меѓу Украина и Русија, пак влијаеле негативно на индустријата во Источна Европа.
Генерално алкохолната индустрија е сметана од инвеститорите за нешто сигурно, бидејќи луѓето пијат и во добри и во лоши времиња. Но, работите не се развиваат токму така во моментов.
Румот и водката биле пијалоците кои најлошо се претставиле во минатата година. Од друга страна англискиот премиум џин, ирското виски, јапонското виски и темните пива се радуваат на скок на популарноста во периодот.
