Унгарскиот писател, добитник на Нобелова награда за литература Имре Кертеш, почина во Будимпешта на 86 годишна возраст, објави агенцијата МТИ.
Кертеш го преживеа холокаустот, а најпрестижната награда ја доби во 2002 година за „пишување за кревкото искуство на поединецот во варварското арбитрирање на историјата“, се наведува на официјалната страница на Нобеловата награда.
Роден во Будимпешта од родители со еврејско потекло, Кертеш во своите дела ги опишуваше личните искуства од концентрационите логори во Аушвиц и Бушенвалд.
