На поетска вечер под наслов „Поезија и вино“, денес од 20 часот, триесетина автори, членови на Друштвото на писателите на Македонија, со свои стихови ќе му оддадат почит на големиот македонски поет Гане Тодоровски (1929 – 2010).
На боемската вечер, што ќе се одржи во посебна атмосфера во ресторанот „Јоле“, повеќемина актери, сликари, музичари, новинари и писатели ќе евоцираат спомени за Гане Тодоровски. Средбата ќе ја овори Раде Силјан, претседател на Собранието на ДПМ.
„Поезија и вино“ се одржува во рамките на традиционалната манифестација „Ганеви денови“ на која ДПМ учествува со својот поетски караван.