Европската комисија (ЕК) одобри помош од 2,4 милијарди евра низ шест години за земјите кои се соочуваат со потешкотии од големиот прилив на мигранти, како што е тоа случајот со Грција и Италија, пренесуваат светските агенции.
Италија ќе добие најголема помош, скоро 500 милиони евра, додека пак, на Грција ќе и припаднат 473 милиони евра. Имигрантската криза ескалираше оваа година кога илјадници мигранти од Блискиот Исток и Африка побараа азил во Европската унија.
Во францускиот град Кале, влезната точка за бегалците кои низ евротунелот илегално се обидуваат да влезат од Франција во Велика Британија, во јули и август биле забележани и неколку смртни случаи на овие мигранти.