Украинскиот премиер Арсениј Јацењук повторно предупреди дека неговата земја ќе ја замрзне отплатата на надворешниот долг во случај на неуспех на преговорите со кредиторите за неговото реструктуирање.
„Украина, надворешниот и внатрешниот долг ја чинат исто колку и конфликтите на истокот од земјата. Нашиот буџет тоа повеќе не може да го поднесе. И не само буџетот. Ниту украинскиот народ не може повеќе вака да живее“, изјави Јацењук на седницата на Владата.
Украинскиот премиер изјави дека неговата влада „не сака да извлекува пари од народот за да го исплати надворешниот долг“, пренесоа украинските медиуми.
Владата на Украина на средината на мај се закани дека ќе ја замрзне исплата на долгот во случај на неуспех во преговорите со кредиторите.
