Невработеноста во Грција во првиот квартал оваа година повторно порасна и достигна стапка од 26,6 проценти од работоспособното население, додека во претходниот квартал изнесуваше 26,1 проценти, покажува официјалната статистика.
Во соопштението статистичкиот Завод потсетува дека стапката на невработеност во Грција во првиот квартал минатата година кулминирала на 27,8 проценти, пренесува Ројтерс.
Според најновите прогнози на Европската комисија, бруто домашниот производ на оваа земја, кој е намален за една четвртина во периодот од шест години, би требало да порасне за 0,5 проценти во тековната година.
