Денес во нашата држава се празнува православниот празник Свети Трифун, заштитникот на лозарите, и во таа чест се традиционално се закројуваат лозјата.
Свети Трифун се празнува на 1. сечко, според стариот или на 14 февруари според новиот календар. Во повеќе краишта на Македонија на овој ден рано наутро се одело во црква каде што попот пеел молитва и светел вода. Од оваа вода, за која се верувало дека со осветувањето е ослободена од сите негативни демони и дека има лековита моќ, луѓето земале во шишиња и ги прскале лозјата, при што го изведувале и обредното закројување, пишува др. Марко Китевски во книгата „Македонски празници“.
На истиот ден, дел од младите во Македонија го слават и католичкиот празник Свети Валентин- Денот на вљубените.
