Изгледа дека во наредните неколку години моделот „Porsche 911“ ќе добие голем број на конкуренти. Последниот во низата најверојатно ќе биде од страната на „Maserati“ и ќе биде претставен во текот на 2016-та година. Спротивно на претходните гласини дека овој нов спортски модел ќе има мотор на средината, сепак тој ќе биде во предниот дел од автомобилот.
Возилото ќе се карактеризира со 2+2 конфигурација со компактни димензии, за разлика од моделот „Gran Turismo“. Новиот модел моментално е познат како „Shamal“ и ќе биде понуден со „V6“ мотори. Овој модел ќе биде конкурент на неколку автомобили како што се „Porsche 911“, „Jaguar F-Type“ и „Audi R8“.
Новиот автомобил ќе биде граден на лесна модуларна алуминиумска структура и основната верзија ќе развива околу 300ks, но ќе биде достапна верзија која ќе развива 400ks. „MC Stradale“ верзијата исто така ќе биде во понуда со околу 450ks.
