Денес, на малата сцена на театар „Џинот“ Велес со почеток во 12 часот, а во рамките на манифестацијата „Велес-Град на културата“ ќе се одржи настанот „Портрет на театрологот Ристо Стефановски“.
Промотори на настанот се драмскиот писател Блаже Миневски и театарскиот критичар Тодор Кузманов, кои ќе говорат за творештвото и професионалниот театарски ангажман на Ристо Стефановски.
Организатори на настанот се Театар „Џинот“ Велес, Општина Велес и Министерството за култура на Република Македонија. Влезот за публиката е слободен.
