Растот на кинеската економија се намали под границата од 7% за првпат од крајот на финансиската криза, посочија објавените податоци, пренесени од „The Telegraph“.
Втората најголема светска економија забележала пораст на економијата од 6,9% за кварталот меѓу јули и септември на годишна основа. Тоа е најслабиот резултат од првиот квартал на 2009-та година, кога економијата на земјата се зголеми за 6.2%.
Резултатот се покажа малку над просечните очекувања на пазарните учесници за зголемување од 6,8%, но под забележаниот раст од 7% на претходниот квартал. Податоците се очекува да покажат понатамошен притисок врз централната банка да преземе дополнителни стимулации за поддршка на економијата.
„Ситуацијата во Кина постепено се стабилизира. Забрзување на владините трошоци, како и стимулирање на кредитниот ризик се два фактори кои можат да придонесат за намалување на ризиците пред растот на кинеската економија во наредните квартали“, коментира Џулијан Еванс-Причард, аналитичар во „Capital Economics“.
Оштетувањето на кинеската валута, како и падот на берзанските индекси во изминатите неколку месеци, натераа многу од пазарните експерти да предвидуваат „тежок период“ на економијата. Некои аналитичари изразуваат очекувања дека растот во третиот квартал може да е најниската точка за кинеската економија во оваа година.
„Со одложувањето на растот и зголемените ризици за дефлација, ги потврдуваме нашите очекувања дека централната банка на Кина ќе прибегне кон намалување на задолжителните минимални резерви со 50 базични поени во четвртиот квартал“, коментираат аналитичарите од „ANZ Bank“ во писмо до нивни клиенти.
„Зголемената опасност од дефлација е можно да ја натера централната финансиска институција и до ново намалување на каматата во земјата“, прогнозираат уште од банката.
