Почетокот на неделата го носи со себе почетокот на првиот топлотен бран оваа година во Македонија.
Топлотниот бран започнува од утре, со постепено зголемување на температурите што ќе го достигне својот врв кон средината на неделата.
Со оглед на тоа што топлотниот бран носи и сериозни здравствени ризици, во оваа статија ќе го повториме она што веројатно сите веќе го знаете.
Подолу, ги истакнуваме трите најважни совети што е добро да се следат за време на топлотен бран:
Хидратацијата е клучот за сè
-Пијте многу вода во текот на денот, дури и ако не чувствувате жед.
-Избегнувајте алкохол, кафе и засладени пијалоци кои можат да ве дехидрираат.
-Јадете лесна храна богата со вода: лубеница, краставици, диња, тиквички.
Избегнувајте сонце и топлина во критичните часови
-Колку што е можно повеќе, останете внатре помеѓу 10:00 и 17:00 часот кога УВ индексот е највисок.
-Доколку мора да излезете надвор, носете лесна облека во светли бои, шапка со широк обод и очила за сонце.
-Користете крема за сончање со висок фактор.
Чувајте го просторот ладен и проветрен
-Затворете ги прозорците и спуштете ги ролетните во текот на денот, а отворете ги навечер кога температурата ќе падне.
-Обидете се да користите извори на топлина како рерната што е можно помалку.
-Не ги држете светлата вклучени непотребно.
Како заклучок, со овие неколку едноставни мерки можете успешно да се заштитите од топлината. Најважно е да се грижите за себе и за вашите најблиски. И да ја следиме временската прогноза.
