„Jaguar“ го најави претставувањето на моделот „XJR“ за време на одржувањето на автосаемот во Њу Јорк.
Jaguar го најави моделот XJR
Моделот се опишува како динамичен и спортски модел кој се разликува по модифицираниот преден браник, поклопецот на моторот со отвори за вентилација, како и црни додатоци во рамките на маската. Обезбедена е и спортска суспензија, црвени сопирачки, како и тркала изградени од лесни легури.
За снагата е задолжен 5.0L V8 мотор со супер полнач кој развива 550ks и 680Nm. „Jaguar“ се уште не ги објави официјалните податоци, но познато е дека на овој модел од 0 до 100km/h ќе му биде потребно помалку од 4.5 секунди.
Адриан Халмарк, еден од челниците на компанијата, наведува дека во новиот „XJR“ е вклучена најновата технологија, има одлични перформанси и модерен дизајн кој е прилагоден за 21-виот век, но обезбедено е и напредно ниво на динамика и луксуз.