Бахреинската компанија „Gulf Finance House“ официјално ја објави својата намера да го продаде англискиот клуб Лидс, иако го купи клубот пред само три месеци.
Одлуката на компанијата е донесена од желбата за остварување на профит, бидејќи купувањето кое беше извршено на крајот на 2012-та година беше при намалена цена поради желбата на поранешниот сопственик Кен Бејтс што брзо да го продаде клубот.
„Gulf Finance House“ го купи Лидс на 21-ви декември за 33 милиони долари, а веднаш потоа трикратниот шампион на Англија беше проценет на 44 милиони долари. Од компанијата објавија дека имаат намера да го продадат клубот во следните 6 месеци.