Документарниот филм „Under the Influence“ за Кит Ричардс, гитаристот на легендарниот рокенрол бенд The Rolling Stones, премиерно ќе биде емитуван на телевизиската мрежа Netflix на 18-ти септември, пренесува Uncut.
Документарецот го режираше Морган Невил, кој е автор и на документарниот филм „Пет метри од славата“ (20 Feet From Stardom), посветен на американските пратечки машки и женски вокали.
„Ако постои Маунт Рашмор (планината на која се вдлабени главите на американските претседатели) на рокенролот, лицето на Кит е на неа. Тој отсекогаш ја претставувал душата на рок музиката, сите светли и темни страни кои тој свет ги вклучува“, изјави Невил.
Додава дека, од што му олеснило, Кит Ричардс се покажал како вистински човек, полн со хумор, знаење и мудрост. „Тоа е вистинскиот Кит кого настојувавме да го ‘фатиме’ и да го прикажеме во нашиот филм, и почестен сум што тоа можам да ѝ го прикажам на светската публика преку Netflix“, вели режисерот.
Материјалот е сниман за време на создавањето на новиот трет по ред студиски соло албум на Ричардс под наслов „Crosseyed Heart”.
Филмот, како што опишуваат неговите автори, ќе ги опфати клучните луѓе и места „кои отсекогаш го одушевувале Кит, и му биле инспирација“, од музиката со The Rolling Stones до солистичките проекти, Чикаго – домот на блузот, каде што Кит првпат се сретнал со Бади Ги, Мади Ватерсон, Хоувлин Волф, ходниците на издавачката куќа „Chess Records“. Тука е и Нешвил, каде Кит ја истражува својата долгогодишна љубов кон кантри музиката, како и Њујорк каде гитаристот го сними последниот албум на кој соработува со Стив Џордан и Вади Вачтел.
„Попатно добивме и дополнителна доза инспирација од долгогодишниот пријател на Том Вејтс“, додава Невил.
Албумот на Ричардс наречен „Crosseyed heart“, исто так,а ќе се појави на 18-ти септември, а доаѓа 23 години по „Main Offender“, а ќе ги донесе звуците на регето, рокот, кантрито и блузот.
