Во Националната галерија на Македонија, објект Даут Пашин Амам, во 12 часот ќе се отвори изложбата „Уметникот и јас“.
Националната Галерија на Македонија и оваа година, 18-ти мај, светскиот ден на музеите го одбележува со интересна изложба од својот едукативен сектор.
Различните старосни групи од неколку скопски забавишта, основни и средни училишта изминативе две недели беа учесници во ликовната работилница „Уметникот и јас“, и преку свои видувања ги претставија мотивите од сталната поставка на Националната галерија на Македонија во Даут Пашиниот Амам.
Компаративната изложба ќе биде отворена денеска во 12 часот во споменатиот објект, на која ќе бидат доделени пригодни благодарници за учесниците.
