Компјутерската игра „Call of Duty: Black Ops 2“ минатата година беше продадена во тираж од 2.7 милиони примероци, оставајќи го зад себе најпродаваниот музички албум на Емели Санде со дури 1.2 милиони примероци помалку.
Она што е интересно е дека на листата на најдобро продавани производи од светот на забавата веднаш по „Call of Duty“ се најде уште една компјутерска игра, „ФИФА 13“ од компанијата „ЕА“, па луѓето кои се вклучени во забавната индустрија ова може да го толкуваат како поместување на фокусот на публиката од музиката и филмовите на компјутерски игри.
Па така компјутерските игри зад себе ги оставија и филмовите „Тhe Dark Knight Rises“ и „The Twilight Saga-Breaking Dawn“.
Во извештајот, кој е објавен од страна на Здружението на продавачи на мало, наведен е и податокот дека продажбата во индустријата за забава во минатата година забележила пад од 12 проценти, а кога ќе се направи споредба со 40-те најпродавани од лани и една година претходно се добива податок дека продажбата е намалена за дури 25 проценти што е огромен пад.
Но според нивните зборови 2013-та започнала добро за неколку добри производи во индустријата за забава. И тоа за новиот филм за Џејмс Бонд кој е продаден во 2 милиони примероци, многу повеќе од најпродаваниот филм за изминатата цела година „Тhe Dark Knight Rises“.
Toп 10 најпродавани за 2012-та:
- Call of Duty: Black Ops 2 (игра) – 2.672.364
- Fifa 13 (игра) – 2.601.877
- The Dark Knight Rises (филм) – 1.694.434
- The Twilight Saga-Breaking Dawn (филм) – 1.515.604
- Emeli Sande-Our Version of Events (албум) – 1.446.844
- Now 83 (албум) – 1.389.006
- Avengers Assemble (филм) – 1.349.937
- Ted (филм) – 1.188.295
- War Horse (филм) – 986.870
- The Hunger Games (филм) – 946.592
