Овој метод луѓето го применувале за лекување пред неколку милениуми, а ако е зачуван до денес, тогаш тој мора да е ефикасен. Дознајте за што се работи…
Дали знаете дека организмот има само два начини да се ослободи од отровите? Едниот е преку дебелото црево, а другиот преку плунковните жлезди. Меѓутоа, жлездите е потребно да ги стимулирате.
Уште пред илјада години, во ајруведските записи, опишана е метода за маткање на растително масло во устата. Овој древен индиски рецепт, многу пати се покажал како многу делотворен, па затоа вреди да му посветите внимание
Како да го маткате маслото во устата?
Треба да се напомене дека ви е потребно ладно цедено масло, сончогледово, масло од сусам или маслиново масло, а терапијата е многу едноставна. Едноставно маткајте (мучкајте) го маслото во устата околу 15-20 минути, а потоа исплукајте го и исплакнете ја устата со вода или чај. Маткањето би требало да го применувате наутро, на празен стомак во превентивни цели, а во тераписки три пати дневно пред јадење.
Преку плунковните жлезди, во текот на маткањето, поминуваат неколку литри крв која тогаш се ослободува од отровните материи.
Важно е да напоменеме дека маслото по маткањето задолжително мора да го исплукате, бидејќи во него се наталожени сите токсини. Бидејќи ќе се ослободи од токсините, организмот сам започнува ефикасно да се бори против болестите и на тој начин може да се излечи од многу болести, само е потребно време.
За акутни болести овој период трае околу една недела, а за хронични од неколку месеци до една година, со редовна терапија со маткање на масло во устата.
По неколку денови маткање на масло, би било добро да отидете и на некоја масажа и на тој начин да го поттикнете исфрлувањето на токсините кои се наталожени во мускулите.
По подолго време, кога организмот ќе се навикне, можете да го скратите времето на маткање, но да не биде пократко од 10 минути.
