Деветкратниот светски шампион Валентино Роси победи на третата сезонска трка во кралската класа во Мото ГП шампионатот, Големата награда на Аргентина.
Популарниот ‘Доктор’ на патеката во Аргентина стигна до својата сезонска победа, вкупно 110-та во кариерата. Роси до победата стигна по големата борба со актуелниот шампион Марк Маркез кој на крајот излета од патеката.
Возачот на Јамаха во пследните десет кругови надомести десет секунди од предноста на ривалите, а кога успеа да го мине Маркез, младиот Шпанец се обиде да возврати но удри во мотоциклот на Роси и излета од патеката.
Второто место во Аргентина го освои Андреа Довициозо на Дукати додека трет беше Кал Кралчоу на ЛЦР Хонда.
По три трки во превенството води Роси со 66 бода, шест повеќе од Довициозо, додека трет е Андреа Јаноне со 40 бодови.
Наредната трка во кралската класа ќе се вози на 3.мај во Херез, Шпанија.