Во полн ек е реконструкцијата на големата сала на ЦК „Марко Цепенков“ во Прилеп.
Комплетното внатрешно реновирање се состои од претапацирање на 600 седишта, промена на подот, бојадисување на ѕидовите, уредување на сцената и нов систем за затоплување.
Со реконструкцијата ќе бидат опфатени 900 метри квадратни. Средствата за реновирањето на салата, што се врши по 36 години од изградбата на објектот, ги обезбеди Министерството за култура, односно Владата на Р.Македонија.
Реновирањето го врши фирмата ДЕНИ компани, а вкупната сума е околу три милиони денари, велат од ЦК „Марко Цепенков“.
