Левото крило на Вардар Тимур Дибиров нема да настапи на завршниот турнир во СЕХА лигата, кој во среда ќе започне во Веспрем, а на кој неговиот тим ќе ја брани титулата освоена мината сезона.
Рускиот репрезентативец поради скинато мусколно влакно ќе мора да мирува најмалку седум дена, што значи дека нема да игра во Веспрем, но ќе биде подготвен за четвртфиналните натпревари во Лигата на шампионите против Киелце.
Вардар на завршниот турнир за противник во полуфиналето (29.март) ќе го има победникот од четвртфиналниот меч помеѓу Брест Мешков и Нексе.