Овој напиток за намалување на килограми со причина стана планетарно познат и популарен, кога бизнисменот Дејв Аспреј пред неколку години го сподели со јавноста.
Аспреј овој пијалак го нарече „Bulletproof“ кафе, а тој е калоричен и може да замени еден оброк. Аспреј тврди дека овој напиток му помогнал да симне дури 40 килограми.
Кога ќе ја испиете оваа енергетска бомба, сигурно нема да бидете гладни во наредните три часа.
Тајната на овој напиток се наоѓа во високата концентрација на масти кои го подолжуваат дејството на кофеинот, па покрај ситоста ќе почувствувате и зголемување на енергијата.
Постојат различни верзии на ова популарно кафе, а ние овој пат ви го претставуваме оригиналниот рецепт:
– 1 лажичка нес кафе
– ½ лажица какао или неколку капки арома од ванила
– 1дл бадемово млеко
– 1дл зовриена вода
– 1 лажица органско кокосово масло
Земете ја омилената шолја за кафе, ставете го нескафето и какаото и додајте ја врелата вода. Изматете со машинка за нес кафе, а потоа додајте го топлото бадемово млеко. На крај додадете ја лажичката кокосово масло.
Во овој кремаст напиток сигурно ќе се заљубите веќе на првата голтка и веруваме дека верно ќе се дружите секое утро.