Американските актери Брус Вилис, Кристен Стјуарт и Џеси Ајзенберг ќе глумат во идниот филм на култниот сонародник режисерот Вуди Ален, кој по обичај информациите за сценариото, името на филмот и другите поединости сé уште ги држи во тајност.
Британскиот весник „The Guardian“ пишува дека актерките веќе ги потпишале договорите за новиот филм чиј почеток на снимањето се очекува до крајот на годинава.
За разлика од Џеси Ајзенберг, кои со њујоршкиот синаест соработуваше во 2012 година во неговиот филм „На Рим со љубов“, Кристен Стјуарт, ѕвездата на „Самракот на саката“ ќе дебитира во остварување на Вуди Ален, исто како и 59-годишната ѕвезда Брус Вилис.
Стјуарт пред три седмици влезе во историјата на филмот како првата американска актерка којашто ја освоила реномираната француска филмска награда Цезар за улогата во филмот „Cloud of Sils Maria“.
Како што е вообичаено за Вуди Ален, поединостите за неговиот засега неименуван филм сé уште не се објавени. Познато е досега дека неговите филмови ги продуцираат постојаните партнери – неговата сестра Лети Аронсон, агентот Стивен Тененбаум, кој со режисерот досега соработуваше на 15 филмови и магнатот на кабелската телевизија Едвард Волсон.
Единствено што засега се знае е дека филмот ќе започне да се прикажува во кината следната 2016 година.
Американскиот режисер во моментов го довршува снимањето на филмот „Irrational Man“ со Жоакин Феник и Ема Стоун во главните улоги кои ќе започне да се прикажува во јули 2015-та.
За Вуди Ален, американски актер, режисер и продуцент, четирикратен добитник на најпрестижната филмска награда Оскар, е познато дека е подготвен да снима секаде каде што се подготвени да финансираат без мешање во работата.
Вуди Ален влезе во историјата на филмот, првенствено како своевиден хроничар на Њујорк. Но неговиот комплициран однос со филмските продуценти на крајот го доведе режисерот во Европа, каде што самиот процес на снимање и создавање филм е далеку поевтин отколку во САД.
Неговата европска филмска авантура му донесе и нова професионална среќа, по низата претходни неуспеси во САД, неговите рецентни филмови му донесоа серија номинации на американската Академија на филмските уметности и науки, кулминирајќи со четвртиот Оскар кој го доби за неговиот филм „Полноќ во Париз”.
Во 2012 година Ален во Рим го сними To Rome With Love” (На Рим со љубов), а во Италија снимаше и во 1996 година во Венеција каде беше снимен дел од неговата музичка комедија „Сите велат – те сакам” (Everyone Says I Love You). Претходната 2011 година во француската престолнина Париз го сними „Полноќ во Париз” (Midnight in Paris), во кој во една од споредните улоги се јавува и првата дама на Франција Карла Бруни-Саркози. Овој филм му донесе Оскар за сценарио и номинација за најдобар филм. Во Лондон, Ален ги сними во 2005 гофина „Match Point”, „Сензација” (Scoop, 2006) и „Сонот на Касандра” (Cassandra’s Dream, 2007) со кој дебитираше на филмскиот фестивал во Венеција. Шпанија во 2008 година беше сценографија за „Вики, Кристина, Барселона” (Vicky Cristina Barcelona).
