Пред вас е новиот концепт на модел од компанијата КИА, кој јавна премиера ќе има за неколку дена во Женева. На почетокот од годината, Киа вети дека ќе претстави нов концепт на модел кој ќе поседува необична решетка и светла за магла.
Овој модел е познат како Прово и неговиот изглед ќе биде препознатлив по тоа што ќе биде во светло-сива металик боја со портокалов покрив и масивни алуминиумски тркала.
Неколку портокалови украси се наоѓаат и на предниот спојлер, на кочниците и тркалата.
На задната страна можеме да видиме две издувни цевки, дифузор и интересна конфигурација на задните светла. Исто така можеме да ги приметиме впечатливите браници на тркалата, интересните ретровизори и дупчените дискови на кочниците.
Кабината изгледа како модерна интерпретација на ретро возило со минимален број на тастери и кожни седишта. Сите бројчаници се дигитални, додека воланот е прекриен со Алкантара материјал.
Се претпоставува дека овој концепт ќе служи како „ preview“ за идниот модел на ривалот „Nissan Juke“.
