Во организација на Агенцијата за вработување на Република Македонија денеска во Скопје ќе се одржи прв Саем за вработување на кој ќе се претстават 80 компании.
Компаниите ќе ги презентираат своите потреби од кадар пред лица кои се баратели на работа.
На отворањето на Саемот ќе се обратат вицепремиерот за економски прашања Владимир Пешевски и заменик-министерот за образование и наука Спиро Ристовски.
До крајот на годината вакви саеми ќе се организираат во Неготино, Тетово, Штип, Охрид, Струмица, Куманово и Битола.
