Спонзорите на екипата на Манчестер Јунајтед се едни од најбогатите во фудбалот, затоа што никој не може да се споредува со нив. Вкупно, од наредната сезона Јунајтед ќе добива 154 милиони евра од страна на компанијата „Adidas“ и од главниот спонзор „Chevrolet“.
Според графикот кој го состави каталонски „Спорт“, „црвените ѓаволи“ од наредната сезона ќе заработуваат 94 милиони од „Adidas“ и 60 милиони евра од „Chevrolet“.
Од главните спонзори, Јунајтед заработува повеќе од Реал Мадрид на кој од „Adidas“ му следуваат 40 милиони евра, а 30 милиони од „Fly Emirates“.
Барселона заработува 64 милиони евра од „Nike“ и „Qatar Airways“, додека германскиот гигант Баерн Минхен добива „скромни“ 59.5 милиони евра од „Adidas“ и „Т-Mobile“.
