Репрезентативецот на Германија, Тони Крос откри дека се откажал да премине во Манчестер Јунајтед, откако станало јасно дека Луис ван Гал ќе биде тренер на „црвените ѓаволи“.
Тој дури постигнал договор со клубот, но по веста за доаѓањето на Холанѓанецот, Крос ја сменил својата одлука. Германецот на крајот премина во Реал Мадрид за 20 милиони фунти, а во Јунајтед беше доведен Дејли Блинд од Ајакс.
Крос немал против да игра за Јунајтед под водство на Мојс, кој сепак беше разрешен во април минатата година. Потоа неколку месеци не беше јасно кој ќе биде тренер на Јунајтед, а Рајан Гигс беше само привремена опција.
Тони Крос, сепак не откри точно зошто не сакал да игра под раководство на Ван Гал.