На вториот ден на меѓународниот ракометен турнир „Струга 2014“ македонскиот вицепрвак Вардар оствари убедлива победа над руската екипа Санкт Петербург со 35:22.
Натпреварот беше решен на стартот на вториот дел кога по водството на полувремето 16:13, „црвено-црните“ направија серија од 9:1.
Најефикасен на натпреварот беше Тимур Дибиров со 7 голови.
На вториот натпревар од вчерашната програма полскиот тим Азоти Пулави го победи француски Кретеј со 30:25.
Со оваа победа Полјаците им овозможија на ракометарите на Металург, кои го бранат трофејот да останат во игра за првото место во групата.
Но, Металург мора да постигне победа од четири и повеќе голови разлика.
Табела А група: Азоти Пулави 2 бода (1 натпревар), Кретеј 2(2), Металург 0 (1).
Табела Б група: Вардар 2 (1), Санкт Петербург 2 (2), Металопластика 0(1).
Денеска се играат натпреварите од 3.коло: Вардар – Металопластика (почеток 19 часот) и Металург – Азоти Пулави (20:45). з