Во туризмот во Хрватска во првите четири месеци од оваа година остварени се околу 750 милиони евра приходи или за 21 процент повеќе во однос на истиот период минатата година, покажуваат податоците на хрватското Министерство за туризам.
Станува збор за обезбедување на услуги за сместување, подготовка и послужување на храна, туристички агенции и организирање на патувања.
Министерот за туризам на Хрватска, Дарко Лоренчин, смета дека растот на приходите во туристичките активности, особено во хотелите, камповите и рестораните, е позитивен предзнак за предсезоната, како и целата туристичка година.
Најголемиот приход во текот на првите четири месеци е забележан во сегментот обезбедување на сместување во хотелите и сличните објекти, во кои правните и физичките лица оствариле 300 милиони евра приходи.